300-320 certification material 1Z0-061 book CCBA course 98-367 software tutorial

عمران خان ضیاء الحق کا بیٹا بنا ہوا تھا۔۔۔ضیاالحق نے عمران خان کو کہا تھا کہ میں تمہیں وزیراعظم بنانا چاہتا ہوں۔۔۔ سابق کرکٹر سرفراز نواز کے وزیراعظم عمران خان کی شخصیت سے متعلق چونکا دینے والے انکشافات - Forikhabar
اتوار‬‮   9   اگست‬‮   2020


عمران خان ضیاء الحق کا بیٹا بنا ہوا تھا۔۔۔ضیاالحق نے عمران خان کو کہا تھا کہ میں تمہیں وزیراعظم بنانا چاہتا ہوں۔۔۔ سابق کرکٹر سرفراز نواز کے وزیراعظم عمران خان کی شخصیت سے متعلق چونکا دینے والے انکشافات


لاہور(ویب ڈیسک )عمران خان کو ضیاء الحق نے کہا تھا کہ “میں تمہیں وزیراعظم بنانا چاہتا ہوں” وزیراعظم کے سابق قریبی دوست سرفراز نواز کے چونکا دینے والے انکشافات وزیراعظم عمران خان کے سابق قریبی دوست اور ریورس سوئنگ ایجاد کرنے والے سابق مایا ناز کھلاڑی سرفراز نواز کا عمران خان کے حوالے سے تہلکہ خیز انکشافات کرتے

ہوئے کہنا تھا کہ عمران خان ایک مفاد پرست انسان ہے جبکہ ضیاالحق اسے اپنے بیٹے کا درجہ دیتا تھا، سرفراز نواز نے چونکا دینے والا انکشاف کرتے ہوئے کہا کہ ضیا الحق نے عمران خان کو کہا تھا کہ میں تمہیں وزیراعظم بنانا چاہتا ہوںسابق مایہ ناز کھلاڑی نے انٹرویو دیتے ہوئے بتایا کہ عمران خان نے جو کتاب شائع کی تھی اس میں اس نے مجھے استاد کا درجہ دیا تھا لیکن پھر ہم میں اختلافات پیدا ہو گئے جو کبھی کم نہ ہوئے بلکہ بڑھتے ہی چلے گئے، آج کم و بیش تیس سال ہو چکے ہیں نہ میں نے عمران خان سے سلام دعا لی اور نہ ہی اس نے کبھی فون کر کے مجھ سے خیریت دریافت کی، وہ اپنی جگہ پر خوش ہے تو میں اپنی جگہ پر خوش ہوں۔عمران خان سے دوستی ختم ہونے کی وجہ بتاتے ہوئے سرفراز نواز کا کہنا تھا کہ عمران خان بہت ہی مفاد پرست انسان ہے جو لوگوں پر پیچھے سے وار کرتا ہے اور ان سے فائدہ لیتا ہے لیکن جب اسے اس سے فائدہ حاصل ہونا بند ہو جائے تو وہ اس سے منہ پھیر لیتا ہے، اس کی سب سے بڑی مثال عبدالقادر کی وفات ہے، عمران خان عبدالقادر کے اتنے قریبی دوست ہونے کے باوجود نہ تو اس کے جنازے پر گئے اور نہ ہی ان کے گھر

والوں سے افسوس کیا، اس سے بڑھ کر اس کی مفاد پرستی کی حد کیا ہو سکتی ہے؟سرفراز نواز نے تہلکہ خیز انکشاف کرتے ہوئے کہا کہ عمران خان کی ہمیشہ سے خواہش تھی کہ مجھے ایک دفعہ حکومت کرنے کا موقع مل جائے جو اسے مل گیا اور یہ عادت اس کو ضیاءالحق نے ڈالی تھی کیوں کہ عمران خان ضیاءالحق کا بیٹا بنا ہوا تھا اور اس نے عمران خان کو کہا تھا کہ تم پیپلزپارٹی کے خلاف ایک پارٹی بناؤ میں تمہیں ملک کا وزیراعظم بنانا چاہتا ہوں، یہ وہ مقام تھا جہاں سے عمران خان میں ملک کا وزیر اعظم بننے کا لالچ پیدا ہوا۔اپنے ویڈیو انٹرویو میں مایہ ناز کرکٹر نے کہا کہ عمران خان اس وقت ملک کے وزیر اعظم ہونے کے ساتھ ساتھ پاکستان کرکٹ بورڈ کے انچارج بھی ہیں، اور اس نے کرکٹ بورڈ میں دوسرے جواریوں جیسے کہ احسان مانی، وسیم اکرم، وقار یونس، مشتاق احمد اور ایک دو اور جواری ہیں جن کو اس نے کرکٹ بورڈ میں نوکریاں دی ہوئی ہیں، عمران خان نے ان جواریوں کو تو کرکٹ بورڈ میں رکھنا مناسب سمجھا لیکن عبدالقادر جو کہ اس کا قریبی دوست بھی تھا اس کو نہیں رکھا، کبھی کبھی تو مجھے لگتا ہے کہ وہ بیچارا اسی دکھ میں فوت ہوا

ہے۔عمران خان کے اثاثوں کے حوالے سے انکشاف کرتے ہوئے سرفراز نواز نے اپنے انٹرویو میں بتایا کہ آج دیکھئے عمران خان کے پاس اتنا پیسہ آگیا ہے، کہاں سے آیا اتنا پیسہ اسکے پاس؟ عمران خان نے خوب پیسہ لوٹا جب کہ اس کی بہن بھی پیچھے نہ رہی اس نے بھی خوب پیسہ لوٹا، جب میرے اس کے ساتھ تعلقات تھے تو تب اس کے پاس صرف ایک سوزوکی گاڑی تھی جو بعد میں چوری ہو گئی تھی۔ریورس سوئنگ کے موجد سرفراز نواز نے اپنے انٹرویو میں انکشاف کیا کہ چوہدری برادران نے مشرف کے دور میں مجھے کہا تھا کہ ہمارے پاس آؤ اور ہمیں عمران خان سے بچاؤ کیونکہ یہ ہمارے خلاف بہت بول رہا ہے، جب ایک اخبار میں عمران خان نے میری چودھری برادران کے ساتھ تصویر دیکھی تو وہاں سے بھاگ کھڑا ہوا اور ان کے خلاف بولنا بند کر دیا کیونکہ اسے معلوم تھا کہ مجھے اس کی تمام اندر کی باتیں اچھی طرح سے معلوم ہیں۔اپنے انٹرویو کے آخر میں سابق مایہ ناز کھلاڑی نے بتایا کے جو بھی پاکستان سے انگلینڈ میں آتا ہے تو وہ مجھے بتاتا ہے کہ پاکستان میں جس قدر اب کرپشن ہو رہی ہے تاریخ میں کبھی نہیں ہوئی، آپ کے یہ بھی علم میں ہوگا کہ جو کام

پہلے ایک لاکھ روپے میں ہوتا تھا آج وہ چار لاکھ روپے میں ہو رہا ہے جس کا مطلب ہے کہ اب کام کروانے کا ریٹ بڑھ چکا ہے، جو پاکستان میں کرپشن بڑھنے کی واضح نشانی ہے۔


اس وقت سب سے زیادہ مقبول خبریں


تازہ ترین ویڈیو
کوہلی کی غصے سے گرائونڈ میں داخل ہونے کی کوشش...
بھارتیوجھوٹ بولنابندکرو،آپ نے پاکستان کاکوئی ایف 16نہیں گرایا...
Most Beautiful Azan -Mashallah

دلچسپ و عجیب

صحت

Copyright © 2017 www.forikhabar.com All Rights Reserved
About Us | Privacy Policy | Disclaimer | Contact Us